رد بالك رد
كثرة الكلام خصام *******وكثرة السماح مذلة
كثرة الدموع حرام *******أما كثرة الطيبة علة
الدوام يثقب الرخام ******* يسد و يغلق كل فلة
يا عيني على النظام ******إيجا خويا اعمل طلة
لا ترهدين لا أفلام ******الشيء باين في سلة
الكراسات و الاقلام ******الغمر ما يهدم الحلة
تزهى و تحلى ليام ******كيف يزيد الطبن بلة
والله يوزع الاقسام ******نصيب فادي كيف فلة
تتعدى و تمر لعوام ******يعرفها صحيح كان قلة
يخسر ديما الشتام ****** إذا العمر غدى و ولى
مسكين اليوم ندام ****** خذى بالشمال المجلة
رايح منكود هوام ****** ما بنى لغدوة و ما على
صايم توا عالكلام ******ماكلتو زقوم أخيب غلة
كان مكثر مالحرام******معبي منو فيلية وبرطلة
لنفسو ما كان رجام***** زلة من بعدها كان زلة
البقاء لله و الدوام ****** يجعلنا من خيرة الثلة
مع الانبياء و الخدام *****مجموعين في الجنة الكل
الامضاء
الزاهي الصلحاوي
سليل الاحرار
ليست هناك تعليقات:
إرسال تعليق