من قصيدة أصحاب قِشرة
كلمات
الشاعر / أسامة رفعت
يا صاحبي لو عايز تبيعني
بلاش تبيعني بخسارة
واطلب فيا أعلى تمن
علشان ماتقولش يا خسارة
اللي يبيع رخيص… رخيص
والندم كله مرارة
واللي مايقدرش مايتقدرش
والسوق محتاج شطارة
واحذر يا صاحبي لفة الأيام
أصل الأيام دوارة
وزي ما فيها ناس صافيين
فيها ناس غدارة
والخاين لابد يوم يتخان
التعالب كلها مكارة
ولو طلبك حد تبقوا اصحاب
ماتفتحش باب المغارة
ماتكونش انا وقت ما جيتني
وافهم أصول العبارة
اصبر سنة واتنين واربعة
الطُعم وراه سنارة
الصحاب كتير يا صاحبي
إملى وعَبي الشيكارة
والرجال في الزمن قِلة
والماس ما يشبهش الحجارة
فيه أصحاب ماس وياقوت
وأصحاب قٍشرة ونشارة
كلمات / أسامة أحمد رفعت
ليست هناك تعليقات:
إرسال تعليق