منادمة جميلة مع الشاعرالفلسطيني الأستاذ مؤيد شحاده المحترم اتمى أن تنال إعجابكم
🌷مؤيد شحاده🌷
بالعتابا مورد الشعرا...... عَ بيري
ولكل شاعر زرع حقلو.. عبي ريّ
بِمائي انتشت وبريحةْ.... عبيري
ت عشق الكل رائحة العتاب
🌹إدريس فؤاد محمد🌹
ماظني تقدر تعاين شو بي ري
وبحرك جف خبرني شو ب يري
اللي كان كبير ماطال شبيري
وبصملي بعشر عالورقه وذهب
🌷مؤيد شحاده🌷
لويش بتحكي عن بيري...... مَ بيري
محيط انحسب يل بيرك... مَابي ريّ
وبحري أبد مخزونو............ مَا بيْري
إلّا لكل بارع بالعتاب
🌹إدريس فؤاد محمد 🌹
كفاك تقول عن بيرك في ب يري
ياللي فيه مو نقطه في بيري
شعري انا يامؤيد في بيري
ياللي بيشتكي ضعف الجواب
🌷مؤيد شحاده🌷
علامك تحكي عن بيري... تَ بيري
عن ضعيف الشعر قلّي...... تبّ يْري
مَ تبر الذهب بتسمّى............. تِبيري
وحروفي تاج عَ راس الأدب
🌹إدريس فؤاد محمد 🌹
حروفك نحلت ال كانت هبيري
ومحيط ال كان بقصدك هي بيري
حقولك نادت غيومي هبي ري
العود الكان طري صفى حطب
🌷مؤيد شحاده🌷
دخيلك بلا جنونك..... إنسى بيري
كلامك هندي أو جدك....... سيبيري!!!
كفر بيري ولأجلك............ سبي ريّ
بعد مَ أروى للعالم شراب
🌹إدريس فؤاد محمد🌹
عظمك هش صار بدو جبيري
ومحيطك جف بالنقطه جاب يري
زمزم يوم إذ ينضب جا بيري
وانت ياحسرتي ناطر سراب
🌷مؤيد شحاده 🌷
عَ بيري بتوقف وتحكي..... دَ بيري
ولمّا تشوفني تولّي............... دبيري
وكل الشعرا ممشاها............. دُبَيري
لأني قائد اشعار وأدب
🌹إدريس فؤاد محمد🌹
كأنك. جاي عم تعمل خبيري
الجبل بتشوف من خوفك خب يري
نصيحه إلك يامؤيد خبي ري
متى ماعليك شتيت العتاب
🌷مؤيد شحاده🌷
حروف الشعر من نبعي..... وبيري
ظمئ إدريس تا جاني..... وبي ريّ
رجاني ، تا كرَم جدّي..... وأبِ يري
بحلقو نقّطت قطرة شراب
🌹إدريس فؤاد محمد🌹
كفى تستجدى بغيومي صبي ري
مزالك يائس تفضل صوب بيري
لو انك عايش بصحرا صبيري
إن حٓبٓست المطر بتصفي حطب
🌷مؤيد شحاده🌷
فِ بيري مداد إكتب من حُبيري
إمام الشعر يا خلقةْ........ حُبيري
لشعرا الجاهلي يلّ أوحى بيري
و منّي ابتدوا شعراء العرب
🌹إدريس فؤاد محمد 🌹
عتابا انا لمؤيد ك بي ري
وصرت ناديك بمثابة كبيري
وهبتك بير يامدلل ك بيري
هدرتو مزال خدتو بلا تعب
🌷مؤيد شحاده🌷
شعرا العتَاب قالولي..... نبي ريّ
وأكبر بير فِ العالم........ انا بيري
ومن بعد آدم كل........... نبي يري
يهدي قومو لصافي الشراب
🌹إدريس فؤاد محمد🌹
العتابا كالنبل سنا لبيري
البلاغه إلي والفصاحه ل بي ري
ماءك شح روح اقصد لبيري
قبل ماتظمأ ويموت العصب
🌷مؤيد شحاده🌷
يا إدريس بِ عينك....... را بيري
لكل ظمآن من بيري..... ربي يري
انا بِالمنشفت سمّوني..... ريبيري
و مع اليوفي رونالدو العتاب
🌹إدريس فؤاد محمد 🌹
العتابا إلي نادتني يابي ري
الحروف تٓقٓحّٓلت بعدك. يا بيري
لولا تفيض ب ماءك يابيري
سفينة نوح مامخرت عباب
ليست هناك تعليقات:
إرسال تعليق