الفجر زاح خيوط العتمة
وبلمسة شعاع النور نادالي
قالي جهز حالك بسرعة
لتستقبل حبيبك الغالي
على الفور من تختي فزيت
تزينت بالعطر رشيت ع حالي
أحلا ثياب عندي نقيت
اتفكر الدلع والغنج ودلالي
ع الموقف رحت و تمشيت
شو مشتاق لشوفة حلالي
بكير والوقت قبل السبعة
الساعة حسها ببطئ شغالي
اليوم شايفه قد الجمعة
تا يقدر يحقيق آمالي
ويخفف من الألم جرعة
لمَّا بشوف حبي قبالي
.. غانم ع الخوري ..
٢٠١٧/٩/٣
ليست هناك تعليقات:
إرسال تعليق