غياب الأم.(محكيّة غنائية)
غبتِ ياأمي والفرح بعدك غاب
الورد من حزنو دبلت أوراقو
قلبي على فراقك اعتل وداب
لو تعرفي صوتك عم اشتاقو
كل شي تغيّر من هول المصاب
وكلّ ذكرياتك الحلوة فاقوا
عمري يا أمي عَ رحيلك شاب
ما بقي مرّ هالقلب ما داقو
بيت لْ مافيه أم تفتح الباب
انهدّت أركانو وبليت أعناقو
اللي ماعندو أم يشقشق تياب
يبكي ويخبي صورها بأحداقو.
.. محمد عزو حرفوش.
ليست هناك تعليقات:
إرسال تعليق