بقلمي هلال البنا في
ألف ليه
،،،،،،..،،،،،،..،،،،،،
ليه نشوف الأمه تاهت
وعن طريق العزه مالت
ليه. يا ناس الأمه. خابت
وف ولادها النخوه غابت
ليه يا ناس الدنيا سابت
وليه قلوب الخلق عابت
وف حياتنا الرحمه ماتت
حتى أرض العرض هانت
والحرم والقدس شاهد
عاللى فيه الأمه صارت
والنبي لو قام وشاهد
شاف لفين الأمه راحت
و العدا متربصين
للعرب والمسلمين
وقبر نبينا الأمين
والصحابه الراشدين
. ليه ياصوت الظلم عالي
والحق تعبان بيعاني
صوته. بس هو السكات
ليه حاضرنا يبقى ماضي
والحاضر هو إللى فات
ليه يا صوت الأمه باهت
وإللى جاي الذكريات
فين زمان عز الرجال
وإللى باقى م اللي فات
واللى يرجع مش محال
مين يشيل هم البنات
ليه يموت النخل طارح
والأرض وفيها النبات
ليه يكون الأمرواقع
وزرعنا دبلان و مات
لما تسأل عالحكايه
ونيل بيحكي والفرات
ليه نشوف الأمه نايمه
والدنيا ع الأمه قايمه
لما تبقى الوحده ماتت
والقطيعه بينا عاشت
والحقيقه بينا. تاهت
لسه فينا الفرقه دايمه
والألفه. واللمه راحت
والعدو يمشي بثبات
وكل يوم يكسب حاجات
وناس بتبكي
عالفكاهه والنكات
ويضحكوا في. المبكيات
وناس بتضحك
لوتشوف هتك البنات
وناس تقول مالكش حق
عالفروض. و الواجبات
ولما يبقى الخير معانا
ليه تقولي مش معانه
وناس جعانه وناس مهانه
ماشي يقول للكل هات
ولما تدي للغني
والقوى تغنيه قوي
والفقير أو الضعيف
واللي مش لاقي الرغيف
هو عايش بس مات
فين زمان الأكرمين
ليه تقولوا إحنا مين
... وإنتوا مين
بس قولوا إحنا فين
وروحنا فين
قولوا ليه الأمه تاهت
وقولوا فين العزه راحت
قولوا ليه النخوه ماتت
والأمه عن دورها غابت
ليه يا ناس الرحمه فينها
وليه يا ناس الدنيا مالها
ليه قلوب الخلق عابت
عن طريق الحق. مالت
ليه ياناس
قولولي. ليه
....................
بقلمي هلال البنا في
ألف ليه
ليست هناك تعليقات:
إرسال تعليق