(( بكيت ،، عليك ))
بكيت عليك كتير ،، يا ولدي ،، لما قالولي مات
و الكل جالي يعزي ،، و انا قلبي مليان ،، بالٱهات
ياما انتظرتك تجيني ،، و كنت واقف بالساعات
و قطر ورا قطر ييجي ،، الاقيك نازللي بتبتسملي
اتملي منك ،، بعيني ،، و تحكيلي كل ،، الحاجات
نمشي ف طريقنا نروح ،، و ايدي كت فوق كتافك
و طول الطريق نسلم ،، ع اللي عارفك ،، و اللي شافك
و اقوللك احكيلي يا ابني ،، اخبارك ايه ،، سمعني صوتك
دفيني بيه ،، انا مالي غيرك اخاف عليه ،، كمل كلامك
الاقيك بتضحك ،، و تقول لي يا ابويا ،، جرالك ايه
ما انت شايفني ،، ماشي معاك ،، صاغ سليم ،،
ما نقصش مني ، اي حاجه ،، ولا حتي ايه
ما انا ،، قولتلك ،،، كل الحاجات ،،
و لما نروح عاوزك ،، تقوللي كل اللي فات
و تلم امي ،، و اخويا ،، و اختي ،، وحشوني و كاني
ما شوفتهومش ،، من عمر ،، فات ،،
البيت اهو ،، قولت له ،، اصبر يا واد
سابني و جري ،، و بعلو صوته نادي ،، يا أما ،،
ردت عليه ،، ابني ضنايا ،، اجري اوام ،، ارحم بكايا
يا نور عينيا ،، ايه اخرك ،، و غبت ليه ،، ايه الحكايا
و كل دا ،، بتذكره ،، و انا واقف،، و باخد عزاه ،،
قلبي و حشايا ,,, من الحنين ،، مقطعين ،،
و كل الكلام ،، في الدنيا ،، اااااه ،،
ما فضلش منك ،، الا صورة ،،
و ذكري ،، محفوره ,, في قلبي ،،
فوضت امري ,,, اليك يا ربي ،،
يصبرني ،، علي فراقك ،، يا ابني ،،،!!!
بقلم الشاعر / ياسر عبد الحميد ،،،!!!
ليست هناك تعليقات:
إرسال تعليق