كبروا الولاد
يا غيمات عمري الهني
وين جمعتكن يا غيمات
بسمكم يعلى جبيني وبقلبي
تسكن ............. الفرحات
ربيت بظلكم ولادي وحلم
عمري وسندي بالحياة
ربيتهم مع الطيوروالسنونات
أصحى على أصواتهم بالفجر
ساجدة يحميهم رب العباد
ضحكاتهم حكاياتهم خطواتهم
رفقاتهم هن الأمل وكل الحياة
يا حسرة اللي ما عند ولاد
حبايب الروح بناديكم قلبي
وزهور الحكورة وثمارها
والفراشات ولقمات الزعتر
وحقيبة المدرسةومصروف الجيبات
أيام عز وبساطة حياة
لا برد لا حر كل حلو بيشفي
الحرقات ويداوي الجروحات
ما حدا بعيد ولا إنتظار
تلفونات ولا حقيبة سفر
عبي فضي حاجات وحاجات
كانوا يردوا الروح ويشفوا
الجروحات ويجمعهم العيد
بالساحات والحارات وبجيوبهم
تضحك قروش وفرنكات
وسكرات ليش يا وطن
حرمتني وحرمتهم أجمل
الضحكات علمتهم وكبرتهم
وحملتهم أعلا الشهادات
ليش يا وطن ضيعت شبابك
وسكرت بوجههم كل الأبواب
ما بدهن إلا أمن وأمان ووطن
تحت سما ترفع الرايات
وعلى خيراته بسعادة نقتات
ما ظل حدا ببيوتنا طارت
طيورنا وما بعرف تحت أي
غيمات وسكنت بيوتناالآهات
وأعيادنا يا وطن ما عادت
أعياد ضيف ثقيل ما جاب
معه حبايب قلبي اللي بعاد
ما كنت قاسي يا وطن واليوم
يا سر وجودي ما أقساك
يا ربي ترجع يا وطن ولقلبك
وقلبي ترجع كل الأحباب
إنصاف عبدالباقي
سوريا
ليست هناك تعليقات:
إرسال تعليق