(معَنّى غزل) مدين رحال
------------------
صَرلي ب حُبّك هايم سنين وشهور
وقدّمت أشعاري إلِك باقة /ت/ زهور
وشَكّلِت كل قْصايدي بنفحة /ت/ عطور
تا صار عطر الشعر فايح عالسطور
عندِك تجاهل واضح وعندِك غرور
ب روحك وعقل الباطِن ب تِخْفِي الشعور
موج البحر فَتّت على الشاطي الصخور
وصارو رمل ناعم على مَرّ العصور
وموجات حَرفي سارحه ب بهجه وسرور
خرقِت قلوب الناس في أجمل حضور
ومنها آشترى كانون ل الديجور نور
وعاصفحتي العشّاق بيزيدو المرور
وحَضرة جنابِك حارقه قلبي الغَيور
ب حُبّك على نار انكوى وبعدو صبور
رح ضَل دَوّر بالصَحاري عالسَراب
متل العم يّدَوّر ع طَيّب بالقبور
---‐-----------------------------------
كلماتي وبقلمي أنا مدين رحال
ليست هناك تعليقات:
إرسال تعليق