#المعاملة_هتبقي_ميري#
*******************
كلمات/علاء أحمد عبدالنبي
*************
خلاص يا ضميري....
معتش فية جوايا
رحمة لأى حد.....
خلاص يا ضميري....
كان مين رحمني....
ولا كان مخلص بجد....
عملت الصح مع كلة...
وكلة مكنش يستاهل..
واللى ظلمني أنا بقولة....
خلاص بطلت أكون جاهل...
وم النهاردة خلاص يا ضميري...
أنا غيرت فى خط سيري..
معنتش هطاطي وعدي...
#والمعاملة هتبقى ميري#
هشد السهم واتجهز...
لأى جارح وهنفذ....
مات القلب إللى متعجز......
ودا القلب الجديد....
معنتش هبكي على جارح ....
ولا فى حقي أنا هسامح...
دفنت أنا قلب امبارح...
وراجع بقلب حديد.....
وم النهاردة خلاص يا ضميري..
أنا غيرت فى خط سيري. ...
معنتش هطاطي وعدي...
#والمعاملة هتبقى ميري#
لا عاد الحب يكسرني...
ولا ضميري يحيرني..
دا أنا إللى كان مصبرني...
إني جوايا خير.......
لاكن بقولها وبأكد...
أنا حقي هيتسدد...
ومعنتش تاني هتهدد....
علشان مات الضمير....
وم النهاردة خلاص يا ضميري ...
أنا غيرت فى خط سيري... .
معنتش هطاطي وعدي.....
#والمعاملة_هتبقى_ميري
ليست هناك تعليقات:
إرسال تعليق