بقلمي هلال البنا
ســـــيـــــد الـــــعـــــالـــــم
سيد العالم هو حبيبي سيدي وسيد الخلق محمد
ياللى عملت الفيلم فيلمك هايف عملك اسود
لازم تعرف أنت وغيرك سيدي وسيدك هو محمد
والسما عالية ازاى نأزيها فشلك باين وبلاش تعند
شمس الدنيا ازاى تحجبها وتتمناها تطفي وتبعد
نور ومية وهوا مش عاوز ولو من غيرهم حا تكون أسعد
والروح ليه تكون جوانا من غير روح لو تقدر تقعد
لومش عاوز القلب الطيب عيش من غيره تقدر تسعد
ياللى عملت الرسم اتنيل رسمك هايف عملك اسود
رسمك خايب فعلك عايب. قلبك ميت عقلك غايب
جاي بتسب القلب الطاهر. وانت المجرم راح تتحاسب
روح شوف خيبتك ذنبك. ظاهر
بكره الدنيا لازم تذلك. وتدخل نار ف اليوم الآخر
ومن حوليك الكل بيضلك. وانت بذنبك جاي تتفاخر
سب ياخايب سب وكرر. مهما تسب وأصلك فاجر
لازم تعرف أنت وغيرك سيدي وسيدك هو محمد
هو السيد غاصبن عنك. مهما تقول ومهما تردد
سيد العالم هو حبيبي سيدي وسيد الخلق محمد
صـــــلـــــى الـــــلـــــه عـــــلـــــيـــــه وســـــلـــــم
،،،،،،،،،،،،،،، صل الله على محمد
مع تحياتي
الشاعر / هلال البنا
ليست هناك تعليقات:
إرسال تعليق