/ فزعان ع التنور / محكي
لا تتركي باب القلب والروح
يبقى متل باب العرب مفتوح
خايف ع كتر الفتح إنو يصير
مخلوع أو مهزوز عم بيلوح
وفزعان ع التنور يحمى كتير
ويبقى الوهج أكبر من المسموح
وتحرقلك النيران فستان الحرير
ويتشلوط الخبز الطري المشروح
خايف بخد الورد مايبقى عبير
ومايضل في عندك شذى بيفوح
ويوقع بنص البير قلب الزير
ويضل جوّات الشقى مشلوح
وقلب اللي حبّك ينقسم نصين
بيجوز نصو ينتهي ويروح
ونصو الحلو يللي بقي مجروح . د عيسى فضة
ليست هناك تعليقات:
إرسال تعليق