حلمك ببكره جَهْ .
إلحق عشان عدى.
فِكرك هيستناك؟!.
.....
شباك تذاكر الحياه
فيه تذكره واحده.
وتمنها مش وياك .
....
اخلع حجابك وكِز ْ
كشر عن اِنيابَكْ
ماهُو مافي غير ياتهِزْ
ياتكَسّْر الشباك.
...
ميِّت ملاك واسمك
مالوش شهادة وفا
شاغل خانات إسمك
بين الحانات بترفا
وبيعملوه سِواك
صوتك مِسَمَعْ فوق
ومصلي سنه وفرض
والناس معاك ع الأرض
بالذوق مهيش سمعاك
حتى حيطان اوضتك
من بره ليها ودان .
ومعاك بتستهبل
بتزن صمت جبان .
للفكر بيحبل
فتبص للبرواز
وتحن ل الصوره
والصوره مش مكسوره
الصوره مش فاكراك :'(
ج.م.ق
#مسعدالبحراوي
شكرا لاهتمامكم وشكرا لصرحكم الراقي دمتم أهل إبداع وتطوير الفكر والذوق العام
ردحذفكلمات راقية لشاعر مبدع وراق
ردحذفسلمت وسلمت يراعتك الثرية والبديعة شاعرنا المبدع والجميل مسعد البحراوي
دمت مبدعا متألقا وراقيا
دامت روعة إبداعك
ولك مودتي وسلامي