محكية
لما
لما الكذب فعل مضارع صار
صارت الحقيقة فعل ماضي
اختفى الفرح لما الزمن عليه جار
وحروف التمني صارت عليه تنادي
أدوات النصب أخذوا القرار
و بضمير ميت قتلوا ولادي
الفتح ذريعتن وأصل الخبار
والحال مصلوب ومش عادي
ضم الأب ابنو وباختصار
صار اللون الأحمر دارج ببلادي
وبفعل أمر قطعوا شجر الغار
ونسم ريح الغدر بهاك الوادي
حروف علة زرعوا بالدار
وغاب للمرة التانية شادي
متل عصفور غط وطار
لكن ماقبل الكسر لا هو ولا أجدادي.
بقلمي وفاء عيسى كرم
ليست هناك تعليقات:
إرسال تعليق