يسعد صباح الجميع بالخير والسلامه والعافيه والسلام
......شوية عتابا.وزجل.......
إجوا الأحباب عالديري( وفلوا).
وغاب الورد عبيرو ،(وفلو)
وأني صايم على هجرو( وفا.لو)
وقلبي عالبعد تختخ وذاب
....................
زمان الهجر ياعالم ( مامرو)
نسوم محبتا عليي ( مامروا)
هوى الأحباب من عنا( ممرو)
وإذا مر الهوى بيلغي( العذاب)
....................
فؤادي زاد هجرانك ( عليلو)
رضاكي كان يشفيلو ( عليلو)
مثل مجنون بيغني ع(.ليلو)
بعد لغياب خربطلي الحساب
.................
...............زجل................
نفحة حبك حطوها بكل الألحان
شعر وقافي غنوها مع الأوزان
راحوا لإمك هنوها ماشالله
وكان
اسم الله عليها فهماني تغني
الأشعار
................
ياسمره غطيتيني بورد المنثور
وعطرك غالي منحتيني من كل
زهور
صارلي شهيرن إستنى مع ست شهور
وحياتك ماضل عنا غير التذكار
...............
حطي إيدك بإيدي ويلا تانروح
نتمختر بهالدنيا وبالبر نسوح
مابتفرق لوسكنا قوق السطوح
تراب السطح بيحضنا والغطا قمار
..............
ياحلوي غصبن عني بصبر عالضيم
وانتي بعيدي وتتهني بشم النسيم
بحلف بالرب العالي وهوي العليم
رسمك بالقلب الصافي ليلو ونهار
..........................
د.فهد كرباج.أم الزيتون السويداء
سوريا..في..21..2..2021
ولكم كل الود والإحترام
ليست هناك تعليقات:
إرسال تعليق