الفلانتين
بقلمي هلال البنا
........................
عيد الحب وهل ياعالم
والعيد إيه ماتقولي يابيه
نص العالم للتانى ظالم
و ليه الظلم ياعالم ليه
وفلانتين يافلانتين
ليه الظلم فينا وباين
والحق بين العالم هاين
فين يكون العدل ونايم
واللى جايب أغلى هديه
بالمناسبه للمدام
والحبيبه والخطيبه
فعل طبعاً مش كلام
والهديه من عينيه
بس قولوا الحق قايم
عوزين حب ويبقى دايم
وعدل يبقى العالم سالم
يا فلانتين يا فلانتين
هو فين الحب ياعالم
ونص العالم ظالم العالم
مين ياناس للحب خاين
نص مظلوم والتاني ظالم
ملعون يابا الظلم وباين
نص متكبر والتاني هاين
والهاين مدفون مش باين
فين الحب واسترها يا رب
وفلانتين يا فلانتين
عيد الحب بين قلب وقلب
وهدايه وتعبير في الحب
والدنيا مقسومه نصين
والغالب بيزيد في الضرب
ناس فرحانه وناس غلبانه
والغلبان بيزيد في الغلب
أم يتامه وناس متلامه
وللأيتام فين هو الحب
وفلانتين يا فلانتين
أقلام تكتب أحلى كلام
والأغاني و الأفلام
في السهرات والحوارات
والحفلات و مسلسلات
للأغنيا وللزاوات
والفقراء تحت الأقدام
مش لاقيين للبطن طعام
ولا في الشتا لاقيين الغطا
قولي حلال ده ولا حرام
يا فلانتين يا فلانتين
عيد الحب وهل ياعالم
عيد إيه وحب إيه
رد عليا وقولي يا بيه
كل مكان فيه حرب وضرب
والقنوات لشتيمه وسب
طب ليه قولتوا يوم الحب
وفين البغض شاوروا عليه
هاتوا خريطه وشوفوا بعنيكم
وشوفوا أيادي منكم فيكم
في كل مكان حرب وطغيان
ولسه ها يحصل فيكم إيه
جاي وتقولي عيد الحب
وليل ونهار شغال في الحرب
رد عليا وقولي يا بيه
فين الحب متقولي عليه
ليه العالم مجرم ظالم
قايم نايم طاغي وهاجم
وجاي تقولي عيد الحب
فين الحب وشاورلي عليه
وفلانتين يا فلانتين
أنا مش واقف ضد الحب
ولا إنسان منزوع القلب
بس يا ريت الحب ياريت
حب حقيقي يرضي الرب
حب الناس نيه وإخلاص
من غير كدب ومن غير نصب
وفلانتين يا فلانتين
عيد الحب وهل ياعالم
...................
هلال البنا في
الفلانتين
ليست هناك تعليقات:
إرسال تعليق