ماجاك عيد
من بلاد الروم
ولكن نقولها
فرطوا فيك
هاد القوم ...
وصانا عليك
لكتاب المفهوم
لكن القوم المعمية
رماوك بسهم
مدسوس بالمسموم
داروك ما عندك قيمة
والقوامة للراجل
فهموها فهم مظلوم
ترجمو لي بغاو
وداروك فالركنة
منسية طول اليوم
ياك الجنة
تحت رجليك
الى انت
ما درتي معصية
ولا تشبهتي
بالراجل فالسروية
ربي خلقك ملاك
تربي النشأ والذرية
انت مدرسة
ربات أمم
شوف ؤ فرق
تربيتهم والتربية
الحرة الاسلامية
المرأة فالذات
ما تساوي الراجل
مول العضلات لقوية
ولكن واحد يكمل لا خر
هذي السنة فخلق الله
من نبدلو لعطية الربانية
حميد النكادي
ليست هناك تعليقات:
إرسال تعليق