كمشة وجع
×××××××××
رِحلِي بتوقيت الشّغَف قلبي رَحَل
تقلّد وسام الحبّ عَ خلّو وصل
برتبة غيوم الوفا تزاحَم غيثها
أوقدْ مصابيح الفرح والعشق طاب
××××××××
وطلّتْ مَحَبّي من القلب لفلفها نور
وعلّقتْ شمعة صلا عَ غصان الأثير
وزنرتْ خصر الحب بحضن الهوى
وعاهدتْ ولفي عَ الوفا والحزن غاب
××××××
تشرين جانا يبوح بحزن وشجن
وآمال بعثرها على مدبح وطن
والفجر من روحي دليلو الانتظار
بلكي يا ربي بلطفك بتنهي المحن
×××××××
وطيور متهاجر وتترك هل بلاد
نسيت قلوب القصقص جناحا السواد
وخلف الشبابيك العتيقة بهل مدى
تنطر صبايا ويحرق قلوبا البعاد
××××××ص
ويا ليلنا العابق بأنسام الحنين
مرّت رياحك راقصت قلبي الحزين
وصار القلب ما ينام من كتر الأسى
سكْنو الشتا وزادت حزانو هالسنين
×××××××
بقلمي/ بهيجة خضور
ليست هناك تعليقات:
إرسال تعليق