( آخ منّك يادني ) محكي
عتبي عليكي يا دني
ونحنا بعمر السوسني
سرقتي الطفولة والهوى
وختيرتي فينا الولدني
لا القلب قادر يشتكي
والصمت
نسّانا الحكي
من وين جيتي وين كنتي
وكيف صرتي ؟
لا كنت أعرف مين انا
ولوين رايح يادني
من الموت جايي صوب
هالحلم الهني
ولّا أنا ع الموت رايح يادني ؟؟
يمكن أنا الإنسان
راكض متل فزعان من فزعان
بطلع على الأحلام
تا إرتكي ع النوم بلكي بنام
ويمكن أنا صاحي على غفلان
عم إغزل مراجيح منسيّة/ي
تا مرجح النسيان بالنسيان
وحامل وجع هالكون بالألوان
لا كان فينا نهد أسوار الحزن
ولا بإيدنا نعربش على الحيطان
وعم تضحكي يا هالدني
من حيرة الإنسان
كلّك حكي كلّك وهم وجنان
وكل يوم بلون عم تتلوّني
ولك آخ منك يادني !!!!! د. عيسى فضة
ليست هناك تعليقات:
إرسال تعليق