بكن فيكون
***....***....***....***
أمره بين الكاف والنون
وكل حرف أكيد موزون
المتحرك والمسكون
قولو سبحانه خالق الكون
بكن فيكون
مالك الملك والملكوت
نفخ الروح وخلق الموت
هو الخالق هو الرازق
وهو الباقي وغيره هيموت
بكن فيكون
مين جاب ناقه من الأحجار
ونجى يونس بالأذكار
قبل الموت في بطن الحوت
ونجى لوط من الأقذار
بكن فيكون
نجى نوح يوم الطوفان
وأغرق إبنه بالعصيان
والكفار والأرض. دمار
السفينه تنزل في أمان
بكن فيكون
نجى إبراهيم من نار
وخلا النار برد وسلام
كسر أصنام الأحجار
والدين كان هو الإسلام
بكن فيكون
نجى موسى فى البحار
وأغرق الطاغيه فرعون
بالعصايه ضرب الأحجار
نزلت ميه عيون. عيون
بكن فيكون
عيسى كان ب يحيي الموتى
ب أمر الله
وكان بيرجع بصر الأعمى
ب أمر الله
أمه مريم ومالوش أب
بكن فيكون
والأكمه والأبرص يشفى
ب أمر الله
شوف زكريا وامراته عاقر
جاتله البشرى بيحيى استبشر
والست مريم تاكل الفاكهه
رزق الله ولله تشكر
بكن فيكون
نجى محمد جوه الغار
والكفار شيفينه بعيون
ونصره في بدر على الكفار
وخلا الإسلام يملا الكون
بكن فيكون
شمس بتطلع متغيب يوم
قولوا سبحانه مالك الكون
عارف الظالم والمظلوم
وأمره بين الكاف والنون
***....***....***....***
بكن فيكون
بقلمي هلال البنا
ليست هناك تعليقات:
إرسال تعليق