الله يسعد كل اوقاتكم بالخير والامان والراحه والمحبه والفرج والإستقرار
...................زجل.....................
بعثتلك وردي حمرا وباقة أحلام
ياحلوي وقبل بمرا ياسمين الشام
عزفتلك عابكرا شوية أحلام
لعيون الحلوي السمرا كل الألحان
.....................
غار العطر من خدودك دشرني وراح
واستوطن فوق جعودك عطر الفواح
واني بديار الغربي صاير سواح
بتمنى شوف عيونك طول الزمان
...................
حاير فكري بأوصافك والعشق كبير
واللي مفارق أحبابو عاش بتعثير
راح إرجع دق بوابك لو مهما
يصير
أني بكل الصراحه بحبك ولهان
...............
ياحلوي لاتسقيني كاسات المر
بحبك بالجهر وإنتي تحبي بالسر
صبري ع.بعدك زايد كل يوم يمر
أطول من صيف الماضي واني سهران
........................
د.فهد كرباج أم الزيتون ألسويداء
سوريا ..في 8...6...2021
ليست هناك تعليقات:
إرسال تعليق