بقلمي هلال البنا
لاموٱخذه
؟؟؟؟؟......؟؟؟؟؟......
متكبر على إيه لاموآخذه
وأنا وانت جايين من نطفه
تتكبر؟. فالله أكبر
والأفضل تفضل تستغفر
أنا وانت في الٱخره نفكر
أونسكت والأحسن نخفه
والمتكبر هو الأحقر
لازم يندم لا يخزه
متكبر على إيه ياحزين
وأنا وانت جايين من طين
مغرور بالمال والملايين
آخرتها ها تخرج بالقطنه
متكبر على إيه كداب
أولنا وآخرتنا تراب
والكلمه ف كتاب بحساب
والقاضي لا يغفل ولاينسه
متكبر على إيه ياأخينا
من مجرى البول مرتين جينا
وإللى عطاك ممكن يعطينا
ربنا يهديك ويهدينا
متكبر على إيه يا معلم
متكلم علشان متعلم
وتخلي الغلبان يتألم
بالمنصب والجاه والزينه
متكبر على إيه يا جحود
أنا وانت هايكلنا الدود
واهو رزقي ورزقك مكتوب
موجود ف السما محفوظ لينا
متكبر ليه هتكون نادم
أنا وانت من حوا وآدم
والأفضل مين ربنا عالم
وميزان الله هو التقوى
واحد مش شوفته أعوام
كان غايب وبقاله زمان
متكبر مش رد سلام
حسسني ان انا مش إنسان
يارب اللي عطاه يعطينا
في الدنيا وياخد باءدينا
وفي الآخره يرزقنا الجنه
يرحمنا ويسترها علينا
متكبر على إيه لاموآخذه
وانا وانت جايين من نطفه
نتكبر نبقى مش بنخزه
والأفضل نسكت أو نخفه
يتكبر ليه و على إيه
في الآخر ياخد ايه وياه
غير كفنه مع حتت قطنه
والآخر بقى إسمه الجثه
متكبر على إيه وطموح
بكره ياغالي القبر تروح
تنزل تحت هناك في الحفره
وملايكه غلاظ عاوزه إعجابه
فين مالك وفصاحة لسانك
والدود ياكل فيك ويبوح
وميزان وصراط نار أو جنه
وسرك مكشوف و مفضوح
؟؟؟؟؟.....؟؟؟؟؟.....؟؟؟؟؟
لاموٱخذه
بقلمي هلال البنا
ليست هناك تعليقات:
إرسال تعليق