حرص م الديب
خد بالك من مكر الديب
د رهيب وله ألاعيب
وكلامه ظلط وججارة
ومكيدة كتير غداره
لوسبته واديته ضهرك
يلعبك زي الكورة
حوراته كتير وادارة
يصطاد وف وسط عكارة
لو قولتله سر ف ثانية
هيزيعة ف وسط الحارة
وان جيت تفهم وتدقق
هيلفك ويا سيجارة
مهو أصله حرك ومدقدق
والطيبة عميلها ستارة
وان جيت تثبت ع المبدأ
هيحطك جوه شكاره
ويقسم فيك ويفرق
مهو لعبه بكل شطارة
فاحسنلك أوعى تصدق
تطبيله مع الزمارة
هيجيلك يوم وهتعرف
إن انت سفرت إعارة
وجوازك كان من تعلب
اتحكم فيك بجدارة
بقلمى فهمى محمود حجازى
ليست هناك تعليقات:
إرسال تعليق