كيف الفجر بيفيق وبيوعى
وأختك سهيلا طايفة دموعا
معقول ماحس بوجع القلوب
ومارد خي لخيت موجوعة
كيف البدر بينام وبيغفى
وجروح أختك مابقى تشفى
لا صيدلية وطب أو مشفى
بيشفوا حزينة بخي مفجوعة
من يوم ماغادرت يابسام
ضاق الصدر وانتحرت الأنسام
وأختك تجيبا وتاخدا الأوهام
والروح بالأوحال منقوعة
ياريت هالأقدار تسمعنا
وتنسى القساوة ويوم تجمعنا
هالعيش من دونك بلا معنى
متل الشراب الفارق نبوعا
ياهالسمابحضينك تضميه
ومن داء يلي موتو تشفيه
فقدناه عنا وعندك نلاقيه
بجناينك مفتون بربوعا
شاعر العرب نادر منجه
أهداء إلى الأخت والصديقة سهيلا هزيم
رثاء أخوها المرحوم بسام
ليست هناك تعليقات:
إرسال تعليق