ولفي بالسفح راتع،،،،، تنخ فيه
وقلّي أمر المحبه،،،،،،،، تنخفيه
هٓمِّي الجبل لو شالو،،،تنخ فيه
وتدكدك مابقي رواسي ورواب
بدي اهجرك وارحل،،،،،،،، ولك باد
حنين وشوق بقليبي،،،،،،،، والكباد
ياولفي الهجر لو تدري،،، ولك باد
العروق ولابقي بجسمي عصب
عبوسة وجه بعمرا،،،،،،،، ماطرت
الندى ع جبينها خلتو،، مطر ريت
نطرتا للصبح شوفا،،،،،، ماطريت
بليالي السود رافقت الضباب
بحروفي الماس العتابا،، مٓتعلا
وأتوا شعار من بعدي،،،،، متعلا
بنظمي صرت الخليقه،، ماتع لا
بقوافي بكر ماعمرو انكتب
ياحادي بليل دربك،،،، ضعني مرها
بدنيا العتم دخلك،،، ضِي عٓ نمرها
دليلي أمس قٓلِّي،،،،،،، ضاع نمرها
ياحادي كيف رح لاقي الحباب
ليست هناك تعليقات:
إرسال تعليق