الجمعة، 17 يونيو 2022

المعايش...للمبدع ملاك دميان

٠٠٠المعايش٠٠
ضاقت بيا المعايش
لا أنا ميت ولا عايش
انا مش قادر اتحمل
لا عارف أرجع ولا أكمل

المعيشة صعبة والأيام ٠٠بتمر
والناس شقيانة وشاربة ٠٠المر

الناس بتحارب علشان٠٠تعيش
وناس مطحونة علشان رغيف ٠٠العيش

الغربة صعبه وطفح ٠٠الكيل
والكتف مل وتهد ٠٠الحيل

الناس تعبانة مش قدرة ٠٠تتحمل
وناس من شيل الحمول ٠٠بتتألم

عم يا تاجر الصبر ٠٠٠صبرني
لو عندك علاج لصبر٠٠دبرني

غربه وفراق عن ٠٠الاحباب
العمر عدى والجسم ٠٠داب

يارب ياستار أسترها من ٠٠عندك
وأن ضاقت بيا الدنيا
افرجها ياكريم من ٠٠٠عندك

بقلم الشاعر والكاتب ملاك دميان شاعر الصعيد

ليست هناك تعليقات:

إرسال تعليق