ع الماني دق الماني
كتير العيشه خرباني
بدن نترك هالبلاد
نهاجر ع بلد تاني.
هلكتني جرّة هالغاز
برسايل متل الألغاز
إذا بتوصلك إنجاز
صارت معي بزماني.
يخرب بيتن هالتجّار
صاروا أخطر الفجّار
حطوا بنعشي مسمار
وقالوا موتك مجاني.
يامراتي ديوني كترو
من مخي طالع بذرو
متل لِ راكب ميكرو
وفراماتو عطلاني.
كأنو كنّا ناقصين
نحكي متل المجانين
والأصعب هم التقنين
حابسنا جوا قناني.
تورّم مخّي من التفكير
خرم الإبرة بشوفو كبير
الشغلة صار بدها تدبير
من عند الله الفوقاني.
كل يوم بيطلع قرار
بيجرفنا متل الإعصار
مو عايش غير الأشرار
ومسحوق النص التاني.
وضعنا فايت بالحيط
صعب تأمّن حتى الزيت
بلكي بنفطس عالسكيت
وبياخد وسام الجاني.
من بلدنا ما بنروح
وما فينا بالسر نبوح
جرح وبيضلو مفتوح
بدو مشفى ميداني.
.. محمد عزو حرفوش..
ليست هناك تعليقات:
إرسال تعليق