من قلبي بندهك تسمع ندايا
وضرورى تعرف انك منايا
قلبك في قلبي صال وجال
والبعد عنه مستحال
والفراق بينا مالوش مجال
حكايتنا عبرة للأجيال
الحب مابينا فيه اتصال
عيوني بيكي مفتونه
احاسيسي بيكي مجنونه
ومشاعرى لسه مدفونه
عايزه تعمل انفجار
خايف عليكي من جنوني
عارفه لو صحت ظنوني
معرفش ساعتها انا حاعمل ايه
انتي ليه وانا ليكي
من زمن مستنيكي
لقيت الحنان فيكي
والحياه مش حياه الا بيكي
حياتي من غيرك مرار
ميكنش فيها استقرار
والا اقدر اخد قرار
يعني حياتي حاتكون دمار
اوعي تفكرى تسيبيني
والا في يوم تكرهيني
والا في قلبي تطعنيني
راح اموت كده بسببك
من بعد الهنا بقربك
ولو يرضي بكده قلبك
اكسريني
بقلمي اسماعيل سلامه
من مصر
٢١ ديسمبر ٢٠٢٢
ليست هناك تعليقات:
إرسال تعليق