زجل..
الوردة ل باِيدي زرعتا
عَ باب الدار
صدفه رحت وودعتا
صارت صبار
مرّت فتره ما شفتا
وردت الخبار.
قلبا عَ العشق معوّد
بدا معشوق
صاحت وينك يامحمد
قلبي محروق
قرّب بِ عطري تعمّد
شم ولا تدوق
بنار شفافي بتترمّد
خدّي بيغار.
هالكلمة سمعتا منّا
وزاد التقدير
صرت بفكري اتأنى
خوف التقصير
وخلّي قلبي يتهنّى
بهاليوم كتير
ما رح بقدر استنّا
بُعدا وْلا نهار.
.. محمد عزو حرفوش..
ليست هناك تعليقات:
إرسال تعليق