؛؛؛؛؛؛؛؛؛؛؛؛؛؛؛؛؛؛
يا فقيدي
يادمي اللي ف وريدي
يافرحي وحياتي وعيدي
ياهنايا ياحلم صبايا
يااغلى حاجه ف طريقي
يافرحه هجرتني بدري
ياصدمه قتلتني بدري
ياعمري اجري وأجري
وقابلني ب فقيدي
ياحبيبي يافقيدي
لسه الدبله ف ايدي
بكلمك فيها وبتحكيلي
واسمع لياليها بتغنيلي
واسمعها وادمعها ف مواويلي
لسه الدبله ف ايدي
وهاتعيش وتموت
ف عتمة الوحده والسكوت
بأسمك وف حضن رسمك
ياه يا حبيبي ياه يا فقيدي
يافقيدي يافقيدي ياحبيبي
هتيجي اللحظه ونتقابل
واحكي لك بعد ما قمرك غادر
قد ايه الدنيا كانت سودا
قد ايه عذاب الحرمان والحوجه
واللي كانوا خلانك وحبايبك
واللي كانوا طول الوقت جنبك
اقول لك بعد غياب ضلك
لا لا مش حبايبك لالا مش منك
دا آهات الزمن كلها هما سبب تنهيدي
لسه الدبله هاتعيش وتموت ف ايدي
ياحبيبي اه اه يافقيدي باوحيدي
هتيجي اللحظه واقول لك
عمل ايه الحرمان منك
خلاني ظل لاحزاني
وكل العيون جرحاني
وانهار الدموع ولا بتمل
والوحده مع الخطوه ضل
ولا نبض حاسس قد ايه بعاني
عارف قد ايه اكتر حاجه وجعاني
اقرب القلوب لقلبك بيعاني اه نسياني
هتيجي اللحظه ونتقابل تاني
واقول لك وحياة عيشك وملحك
اكتر صدمه قتلاني
اكتر عتمه سكناني
هيه يا كل كياني
فراقك وحرماني منك
وحياة عيشك وملحك
ناديلي حتى ف الحلم ناديلي
وقلبي يسمع ويدمع
وتهدي ناري ومواويلي
ناديلي نفسي اسمع صوتك ناديلي
حتى ف الحلم يا اجمل حلم ناديلي
وشوف حروف اسمك
كتباها دموعي ف منديلي
لسه الدبله هاتعيش وتموت ف ايدي
ياحبيبي يافقيدي يا فقيدي
صرخة الناي
بقلم على عبدالرحيم محمد
ليست هناك تعليقات:
إرسال تعليق