السبت، 8 سبتمبر 2018
أنا/عندي أنا الأفكار..........للمبدع برصوم كساب
أنا
عندي أنا الأفكار والأخبار ..
وبكشف خفايا الناس والأسرار .
عندي قلب هدار ولساني سليط ..
وبسلب عقول الناس بالأفكار .
عندي أنا للمؤمن كنوز السما ..
وعندي حمى الملهوف لو جاني احتمى .
وعندي الصبايا بتوقع بلمح البصر ..
وما بينفعن عندي أنا الإنكار .
عندي أنا الجبار لو جاني أسد ..
بيصير هر زغير بي لاعب ولد .
وعندي إذا الخمار جاني بجرتو ..
عندي أنا رح يسكر الخمار .
عندي أنا التيجان كلا بتنحني ..
وعندي الخرابة بكلمة وحدة بتنبني .
وعندي أنا الأحياء بي صيروا رميم ..
وبي نال عندي الميتين الإنتصار .
عندي أنا السمار بي غنوا السمر ..
ماني الإله وماني النبي المنتظر .
وماني أنا الشيطان أو جني حظر ..
أنا اللي بالشعر بحكي الصار وال ما صار .
تحباتي
برصوم كساب
الاشتراك في:
تعليقات الرسالة (Atom)
ليست هناك تعليقات:
إرسال تعليق