/ ليلة حب / محكي
قلبي ندهلك ترجعي تعودي
اشتاقت ع ريحة عطرك ورودي
محجور وحدي بين تلج ونار
وإنتي ما بعرف وين مفرودي
وقبل ما يموت فيي الانتظار
قومي ارجعي عا هودج وجودي
بصلّيلك بمعبد عشق عشتار
تيكون وجهك نور معبودي
عودي بحلاكي وزيّني هالدار
وحدك بِعين الشمس مولودي
وتشنشلي بنجوم ياجلنار
عيوني بليلة حب موعودي
تشوفك عروس مكللي بنوّار
وتبقي بجرن الشوق معمودي
وردّي عليكي شرشف الأزهار
قبل الدني ما تميل ع برودي
أهل العشق لو يسألوا شو صار
بعد الرجوع بقول إنك هون
ملكة جمال الكون موجودي . د. عيسى فضة
ليست هناك تعليقات:
إرسال تعليق