/ ما في حدى راحوا / شعر محكي
لمّا العشق
دقدق ع باب الروح
رد القلب
ما في حدى راحوا
وحدي أنا
ما ضل غير جروح
والضو مطفي وطار
مصباحو
لا ارتاح يللي
راح عم بينوح
ويللي بقوا
بهالليل ما ارتاحوا
وقبل العشق ما يودّع
المجروح
والعندليب يودّع جناحو
قلّو القلب
لا تدق مش مسموح
ديك الأماني تخرسن
صياحو
هالباب تسع سنين
مش مفتوح
المفتاح ضايع والسني
انشالله
رح يلتقى بها لعيد مفتاحو . د. عيسى فضة
ليست هناك تعليقات:
إرسال تعليق