مشاركاتي في مسابقة الشّعر المحكي/ الوفا والتّحدّي.
يا كلمات العشق عالكون امتدّي
وقولي للبشر إنّه ما حدا قدّي
كل كلمة بسماكِ شعّشعت نور
وتوهّجت ببوسة انطبعت على خدّي.
مجد البطولة عنوانه زندي
وتاريخ الوفا ابتدى من عندي
بكل المعارك كنت القائد المقداد
لكن بمعركة حبّك تنصّبت جندي.
كاس المرّ سكبته، وشربته سعيدي/ة
والوفا لقّني الآه، علّمني التّنهيدي/ة
ولمّا خنت، وهانت عليك الآهات
غرزت الخنجر بقلبي، ورميته لبعيد بإيدي.
كرّي، فرّي،روحي و ان بدّك عودي
ما عدت حاسس بروحك فيّي موجودي/ة
عيشي حياتك فرحانة أو ندمانة
ولا تجربي لمرّة تخطّي على حدودي.
عيش ولاقي ان قدرت الوفا بعدي
وفتّش عالفرحة الصارت بعيدة ببُعدي
وان تاهت دربك، وضاعت منّك الطّريق
باخدك بإيدك ويلتقي سعدك بسعدي.
عبير عربيد
ليست هناك تعليقات:
إرسال تعليق