محكي
الله خلقني
وعا هالدني
جيت
وقبل ما إمشي
عالأرض دبدبت
وحبيت
ولما كبرت
الكون برمت
وحفيت
وزعت عالكل
إخلاص و وفا بصدق
رويت
ولا مرة عن حدا
من اللي دخلوا قلبي عالهدا
حبي وعشقي وغرامي
خفيت
بليلة غفيت شوي
حلمت
وصحيت
قلت يا ريت
بعز النوم
بقيت
قضيت عمري سهر
وعبرت كتير
وحكيت
ما شعرت بندم
ولا مرة مليت أو قلت
شقيت
كان الفرح
ينغل بقلبي
ومن الفرح روحي
سقيت
ومن الجروح
ال غطت كياني
شفيت
لكن من بعد
ما من النوم صحيت
دريت
إن الكون عالبشر ضاق
وابليس ال كان بغيبوبة
فاق
حلفت إبقى سهران ع حبابي
وصفحة النوم من حياتي
طويت ...................
** مايكل حمدان
ليست هناك تعليقات:
إرسال تعليق