قالت ياشاعر كثير مالكني الغضب
وبخاف قلبي من الغدر يصيبو تعب
أخلصتلو بالحب وهاي رابع سنه
وبعدا تركني ولحضن غيري هرب
مش عيب يترك هيك عطر السوسنة
تا يضيع بي هالكون بﻻ أيا سبب
والصوت يصير مبحوح من ظلم الدني
من بعد ما كان توأمو لناي القصب
وتضيع ليالي الفرح والعمر الهني
والجسم يصير معلول أضناه التعب
قلتلها ما دام بقيتي فاتنة
ومادام عقلك انزان بميزان الدهب
ومادام ابقيتي للمحبة حاضنة
وعندك ثقافة مزينة بعفة وأدب
وهوي الترك كل هالمفاتن ياغﻻ
من بعد منك عيب لو ربى شنب
جوزيف رداح
ليست هناك تعليقات:
إرسال تعليق