/ عنيدة /
كانت عنيدة/ي وكان هالمسكين
مأسور فيها بالقهر متل السجين
لو قال هادا تيس بتقلّو احلبو
وسيكارتا ما بتنطفي من سنين
وبيشحور الدخان حيطان القبو
ولا كانت توقف عن التدخين
تا صار قلبو أسود وعندو ربو
بيخلص كمين بيوقع بتاني كمين
ما ضل في إعراب حتى يعربو
خزّق قميص الصبر والخوف الدفين
بليلة ما فيها ضو غادر مكتبو
راح وتركلا كل هالماضي الحزين
وشقفة ورق مكتوب فيها كلمتين
لا تنطري رجوعي بقى
رايح أنا ديوان عمر جديد
بدي إكتبو . د. عيسى فضة
ليست هناك تعليقات:
إرسال تعليق