.. ...
الحمد لله على عودة النت
تلخيص للسيره النبويه الشريفه
بمناسبة مولد النبي الكريم
كل عام وأنتم بألف خير
مع تحياتي هلال البنا
ةةةةةةةةة.... ةةةةةةةة.... ةةةةةةة
ميلادك يا هادى نور فى كل وادى
وخير العبادى رؤف ورحيم
جيت نورت مكه ياسيد ساداتها
وقريش وجاراتها ياحفيد إبراهيم
رضاعتك سليمه وكات فى دار حليمه
وبركاتك عظيمه يا أكرم يتيم
أغلى شيئ لجدك وبعد منه عمك
وفى كل رحله ياخدك قال صادق أمين
تجارتك مع خديجه والصدق كان نتيجه
وكانت خير زوجه وأكمل الحريم
******* ******** ************
ورقه قاله إنت رسول
فى التوراه وفى الإنجيل
وهتهاجر وها تترك مكه
ياريت أبقى يومها معين
وعند الصفا راح وقف وقال
نادى العم ونادى الخال
وأنا رسول رب العالمين
قاموا عليه المشركين
وعلى مين آمنوا بالأمين
راح للأرقم ودخل داره
ومعاه كل المؤمنين
أسلم حمزه ودخل الدين
وابن الخطاب برضه زعيم
جهروباﻹسلام فى مكه
ودين الله هو العظيم
الكفار عملوا الحصار
وآذوا الرسول المختار
يتحمل ويا الصحابه
والجوع كان تلات سنين
جاي الرسول من الطايف
وراجع يجري وخايف
عداس آمن عالإيد باس
والرسول ليونس عارف
جبريل جاي والبراق
وللإسراء طار فى الفضاء
المعراج سابع سماء
و يا إمام بالمرسلين
طلع السدره سمع وتكلم
وشاف النور بعنيه وتنعم
يرجع نفس الليله يفهم
وكفارمكه يقولوا بيحلم
عملو حصار علشان يتحطم
وشعاب مكه لا زاد ولا مطعم
حشره تآكل الأمر المعلن
وينتصر سيدنا ونبينا
عرض الدعوه لأهل الموسم
وعقد البيعه بسبعين مسلم
يرسل مصعب يبنى ويرسم
وكانت الهجره ويا نبينا
أسس دوله بالدين تحكم
والقرآن والسنه ينظم
كانت غزوة بدر الكبرى
وغنايم ع الصحبه يقسم
في أحد كان عاوز الطاعه
وكان النصر يتم ف ساعه
نزلوا صحابه من على تبه
وكانت غلطه زي سحابه
اليهود راحوا للأحزاب
وقالوا إحنا لكوا أحباب
النبي قام وحفر الخندق
والريح كان من جند نبينا
لما راحوا يعملو عمره
وعملوا الصلح وعادوا الكره
بيعه كانت تحت الشجره
وعالموت بايعوه جند نبينا
بعدها كانت غزوة خيبر
وجعفر جاى وعلي بيكبر
خالد سيف الله ف مؤته
وبيخطط للفتح نبينا
نصر كبير وفتح عظيم
وسلمت مكه وظهر الدين
بعد محنة يوم حنين
وجند الله كانو بيحبوك
البرهان بان يوم تبوك
ويوم الحج كلامك زاع
أمرك بين الكل مطاع
وأيات تنزل فيها وداع
مسك ختام الوحى محمد
وللحديث بقيه
مع هلال البنا
**********************
والحمد لله على عودة النت
وكل عام وأنتم بخير
ليست هناك تعليقات:
إرسال تعليق