كل الصباحات جميله بالتواصل مع الأصدقاء ..جعل الله نهاركم سعاده وراحة بال وسلام
................زجل.....................
شفتك حد الرماني بتلمي كبوش
جسمك روضه حلياني وزهرك مفروش
مبارح جيتي بأحلامي وقلبي مرعوش
لبستك مع أوهامي محبس وسوار
شعلتي قلبي بنارك من دون وقود
ونزلتيني بأغوارك شميت ورود
سوسحتيني بأشعارك من غير
قيود
وأطربتيني بأوتارك جيتك عالدار
يازهرة قلبي وروحي فيكي حيران
صرتي بأفكاري تسوحي وقلبي
ولهان
لاتزيديني بجروحي جرحي
منهان
لو شفتيني بتنوحي وبتذوبي
مرار
ياإم الشعر السادل فوق الأرداف
لولا خوفي من الله ماكنت بخاف
جمالك ضافي عليكي حسن
الأوصاف
عيوني عم بتناديكي إلفي المشوار
رحتي وجيتي قدامي وزولك فتان
انشالله تعودي بسلامي تغني
الألحان
أنا حارس عقلبك وانتي السلطان
خليني نام بعبك ليلي ونهار
.....................................
فهد كرباج..أم الزيتون السويداء
سوريا..في...1..11..2020
ولكم التقدير والود والإحترام
ليست هناك تعليقات:
إرسال تعليق