محكية.... للمبدعة إنصاف قرقناوي

محكية 

بحبك عدد ما غردو عصافير..

و قد ما نزل مطر..

و سافرت بشر..

و راحت مشاوير..

بحبك كأنك عمر..

و ضحكة قدر..

و نسمة عطر..

و لهفة قلب..

عم ينبض نبض..

ناطر فرج لحظة فيها نلتقي..

متل الأميرة و الأمير..

بحبك لأنك إلي..

و لأنك دني..

حلوة بالبهجة مزيني..

و نظرة من عيونك حبيبي..

بتنسيني هم كبير..

بحبك مبارح و اليوم..

و ع بكرا الصبح بكير..

بحبك و كل ما قلت بحبك..

بحس الكون قدام هالكلمة صغير..

انت ياللي خليت هالقلب..

من رفة حب يطير.. 

إنصاف قرقناوي