مرة قلتلا مرة
شو محلاية ومسمرة
إنت خجلاني ولا
خدودك هي المحمرة
صرخت قالت يا شايب
بكلماتك قلبي دايب
شعرك شايب متل الثلج
وأبيض قلبك إي والله
لمحتا مرة حد العين
شو محلاية يغز العين
حلاها جاية من وين
كتير علي إي والله
مشيت مرة جنب البير
شعرا الأسود صار يطير
يا إمي شو عم بصير
وقف قلبي إي والله
متل النحلة عم بدور
وراها أنا الدبور
فرحان وعامل مقهور
ناطر تتغطي والله
يخرب بيتن هالكلمات
فيها برودة هالنسمات
مني إلك هالوردات
خدودي احمرت إي والله
سرقت البوسة من خدا
وقالت أوعى تتحدا
قلبي ما عاد يتهدا
سرقت البوسة إي والله
بوسة بعطيكي تاني
وقلبي فيكي مهناني
معها شعر وأغاني
من كلماتي إي والله
قالت وحياتك يا عم
حكياتك بشيلوا الهم
بهالدنيا أوعى تهتم
حبك قلبي إي والله
إي والله
بقلمي محمود عجور
ليست هناك تعليقات:
إرسال تعليق