/ شو قولكن / ؟
قالوا الصديق الصح
وقت الضيق
وينو الصديق الطيب
الأصلو عريق
لمّا العسر
يبقى متل سلُّم عرض
واقف بنص الدرب
قاطعلو الطربق
ومسكّر بواب
الدني بوجهو فرض
وعم يحترق كل يوم
بيزيد الحريق
ماكان حظّو
يظبط بطول وعرض
وبعدو اليسر ملهوف
عا لمعة بريق
بينام ولحافو السما
تختو الأرض
ومتكمّش بقشة صبر
متل الغريق
بعزّة نفس موصوف
ما عندو بغض
بس الزمن غدار
عن حق وحقيق
وقلبو الشقي بقيان
عا آخر نبض
وعم يشتهي يرجع على
الماضي العتيق
شو قولكن
بيضل عا وضع انتظار
ولّا ضروري
يستعين بشي صديق ؟ د. عيسى فضة
ليست هناك تعليقات:
إرسال تعليق