حوارحمامة السلام والطفل
تعال يا صغير اركب على جناحي لنطير
ونعلي بهالسما بعيد عن هالوطن الخطير
خلفوك ورميوك بهالشوارع للفقر والعتار أسير
ماعرفوا إذا عم تاكل الرز أو بقايا خبز و شعير
يالله تعال لحطك تحت جناحي ولبسك ثوب الحرير
ماعرفوا انه الله من عنده كرمك وخلقك حر وأمير
كتير بيتمنوا ضفرك وبيفدوك بعمرهن تتكبر وبالعلالي تصير
بس هون بيخلفوا بالعشرات لا وعي بيضبطهن ولا شوية تفكير
وماهمهم عشت مبسوط او ضربك التعتير
تعال يا زغلولي الصغير تعال ولاتخاف... الله الي خلقك قادر على كل
شي وكبير.
وانا من اليوم أمك ومارح فرط فيك لحدى حتى لو ركب جوانح وبده
يطير
وفاق الصبي جوعان وراسه من النوم عالحجر مكسر تكسير
وقالها يالله يا حلوي اخفضي جناحك تأطلع وبهالسما نعلي و نطير
استغربت وقالت يا بعد عمري كنت عم تحلم وطولت بالنوم كتير
أنا هون جايي بعتوني لأعمل معك سلفي وشوية حكي وتصوير
ومابخبي عليك الموضوع شائك وأكبر من طاقتي بكتير
أغلبهن بتاجروا فينا والسر بعده كبير
دكتورة فرقدان الناصر ٢١/١١/٢٠٢٠
ليست هناك تعليقات:
إرسال تعليق