** طفل الشارع **
،،،،عاميه،،،،
صحيت من نومي لاقيت
نفسي في الشارع
بدور على بيتي وأهلي
غير كده أنا مش طامع
أصرخ من جوايا ليه زمانى
قاسي ولا حد بيا سامع
خلاص الرصيف بقى سكني
ولبيتي أنا مش راجع
خلاص السماء هي سقفي
وبرد الشتاء يا ناس ساقع
مافيش مكان يأويني أنا
خلاص بقيت ضايع
قطعتوني بنظراتكم وأصرخ
يا ناس أنا مش صايع
أنا اللي صحيت لاقيت
نفسي في الشارع
الدنيا قاسيه علي وخلاص
حلمي بقي ضايع
أنا لوحدي ليلي طويل ونهاري
بعيد ومش طالع
أنا اللي كنت بحلم في يوم
لبلدي أكون نافع
أنا صحيت في يوم لاقيت نفسي
بنام في الشارع
الكل قافل بابه عليه وأنا
عايش وحيد وضايع
الكل عايش في نور وأنا
نوري عالطول قاطع
أنا انسان زيكم ومش ذنبي
اني اترميت في الشارع
بيتي اتهدم في الثورة
وقمت ادور على اهلي كلهم
راحو وسابوني وحيد ضايع
أنا ظروفي حكمت علي
القي نفسي عايش في الشارع
مافيش حد عمل حاجه تخلي
أملي في الحياة يكون راجع
أنا صحيت لاقيت
نفسي في الشارع
بقلمي محمد عبدالحميد السيد
جمهورية مصر العربية
ليست هناك تعليقات:
إرسال تعليق