(الحزن خيم)
قاعد لوحدي لملم جراحي
والحزن خيم من حولي وناحي
مين قال أنو الجار للجار
والكل مجنون وماحدا صاحي
وإذا بتشكي لإنسان
بيطلع متلك ويقلك لاتنزع صباحي
دنيا فانية وكلا هموم
مبتسم بتشوفو والعطر فواحي
بس القلب عم يغلي غلي
وضاع والله مفتاحو ومفتاحي
زاد الأنين بالحياة زاد
وزادت معو أصواتي ونواحي
كلوا بالمصلحة بيجيك مشتاق
وبيتمنى وبيقول زادت أرباحي
القلب من التعب مات
بعد ما رحلت كل أفراحي
إذا فشلت الكل بيضحك عليي
وإذا نجحت ماحدا بيصفق لنجاحي
وإذا بدك خدمة بيهربوا منك
وبيشرفوني بس صب أقداحي
بشر كلا غدر وخداع محتالة
وما وجهت بيوم ع حدا سلاحي
كافي الناس خيري وشري
ليش ما بتطلقو قولوا سراحي
وخلوني بالدنيا متل عصفور
رفرف عالشجر بريشي وبجناحي
وبطلب من رب السما الرحمة
ومنو وحدو بطلب العفو وسماحي
أبو يوسف طارق يونس
ليست هناك تعليقات:
إرسال تعليق