و ملبكي ---- للمبدعة إنصاف قرقناوي

محكية..

و ملبكي..

يا الله شو كنت ملبكي..

لما بعيونو ومالي..

و بشفافو الحلوي حكي..

حسيت متل شي جمرة..

ولعت بقلبي..

وقت اللي قلي..

كرمال الجمال..

انتي بس ضلي اضحكي..

ما عدت أعرف شو العمل..

بهرب أو ببقا معو..

مع إني قاتلني الخجل..

بسمح لحالي صارحو..

أو بنفد بجلدي..

و بخلق ما بيني و بينو زعل..

و يا ويلي لما لقطني و ضمني..

شعل بناري لهفتي..

و قت ال بإيدو لفني..

و بعيوني طلع..

و من نظرتو صابني زلزال..

كركب كياني و هزني..

و لما ع خدي باسني..

قللي..

كل شي فيكي يا قلبي حلو..

سبحانو ياللي مصورك..

عاطيكي حلا بيقتل قتل..

بخليكي حتى العاقل تجنني..

حدك رح ابقا أنا كل العمر..

انتي و معي ما بدي غير تتطمني..

و من لحظتا نسيت إني ملبكي..

و غمرتو بقوي و لبعيد سافرنا سوا..

و بخيالنا عمرنا قصر..

عشنا فيه أحلى دني..

إنصاف قرقناوي