/ أيكة حلى /
هالجامعة أيكة حلى أغصانها
جوانح مدى عين الشمس عنوانها
فيها سوا ربينا سوا مالها نظير
الإبداع زيّنها وزرع بستانها
متل العروس اللابسة توب الحرير
ومشغول بخيوط الأدب فستانها
بحضن الورد بتنام عا تخت العبير
وبتفيق عا نغمة شعر ألحانها
بتبقى سفيرة نور للفكر النضير
قلعة أصالة سياجها فرسانها
بألوانها بترسم مسارات المسير
وقوس القزح بيغار من ألوانها
وأحلى إدارة بدارها منهل غدير
ونخبة ثقافة أصبحوا سكّانها
شمس العهد مابتترك الصبح المنير
حرف البلاغة حَبّها وعشقانها
ومختارها معروف شاعرها القدير
بيبقى أمير المعرفة وسلطانها
ولو تسألوني مين هوّي هالأمير
رح قول عن حق وصراحة كاملة
وحدو أمير الجامعة غسانها . د. عيسى فضة
ليست هناك تعليقات:
إرسال تعليق