/ لغم موقوت /
مازالني ميّت قبل ما موت
وخلقان من رحم الزمن مخووت
ليش الحياة بمقبرة هالأرض
وموتي ع إيدي والدني تابوت
من خلقتي حملت الخطايا وجيت
بين الحقيقه والخيال مشيت
وقبل موتي ع موتي بكيت
وعا مغارة المجهول رايح فوت
تاري العمر كذبة زمن مجنون
ولمّا أنا مرّيت ع الطاحون
لقيت الوقت عم يطحن المطحون
وبيوت عم تطلع ع ضهر بيوت
وشفت الوعد بيموت بالموعود
وجرح القصد مقصود من مقصود
وعين الوجود تجود بالموجود
الموجود مش موجود مازلو الزمن
من حولنا واقف لغم موقوت . د. عيسى فضة
ليست هناك تعليقات:
إرسال تعليق