هلال البنا
..... . البهلوان
.... . .....بياع كلام
لعبه باين في المكان
وعاللي كان وفي الزمان
لاجل بكره يفوت قوام
.......بالسلام مهما كان
ده مهرج في المدرج
بالأونطه و الكلام
البهلوان
ماشي يلعب عالعموم
......والقناع ألوان جنان
و الهموم تحت الهدوم
.......والكلام مليان زكام
ألعوبان وشكله بان
والمكان فيه مية زبون
............ البهلوان
كل حركه وفيها خدعه
.........وكل ضحكه وليها دمعه
والحياه والدنيا جامعه
........... فيها سيره وفيها سمعه
و مهرجان هرج كمان
قول فيشارك يا بو لمعه
.................البهلوان
هي الدنيا مهرجان
..........فيها الداين والمدان
والشبعان غير الجعان
...... والكسبان غير الخسران
روح وفرج عالمهرج
سيرك منصوب في المكان
البهلوان................
......... والمستور لازم يبان
حد يقوللي يا جدعان
........... زي الرحمه بالحيوان
فين الرحمه بالإنسان
كله كوم والزحمه كوم
والمهرج لعبه كوم
البهلوان..................
كان في الماضي يعني زمان
.........كنا نجيبها من الدكان
كانت اللحمه فيها الرحمه
........والآن راحت في خبر كان
و نواب شورى وبرلمان
في القلقاس والبازنجان
............البهلوان
ومسرحيه في الميدان
........... والروايه مين فلان
..... ... كان بيحكي كان وكان
مين شجاع ومين. جبان
والبلياتشو ساتر وشو
لجل يقولوا عليه فنان
............ البهلوان
طالع يضحك زي جان
.....ويحكي كان من غير أوان
والصور مش في المكان
.............والزمان غير الزمان
مكلمنجي عربي افرنجي
والمهرج ألعوبان
البهلوان
الفرحان راجع زعلان
...... مش لاقي شهود عيان
واللى قالوا واللى عادوا
.........مش فاهمهم ترجمان
للكلام معمول لجام
ومخطمه في راس حصان
............. البهلوان
والكلام محتاج بيان
......... زي مقطوع اللسان
حضروه مش يصرفوه
..........يركبوه لو مية شيطان
. زي إبليس. الخبيث
في السجود عاصي وجبان
البهلوان................
......واللي لابسه جن خيال
ووعنده أورطة م العيال
........ في الحرام مش في الحلال
........ وكله رط وقيل وقال
بلوه قاعده ونازله صاعده
فوق حدود الإحتمال
.............البهلوان
يحكي مش شايف جمال
والشيطان وابليس ضلال
...... .أي حاجه في السماجه
زي مين كداب وقال
والمهرج ماشي يعرج
في الإجابه و السؤال
البهلوان...............
والسؤال حبة كلام
. فيه حلال وفيه حرام
.......مش محبه واحترام
.محكي في الحب والغرام
حتى إبليس الشيطان
له عيال وله مدام
............. البهلوان
ألعوبان عامل سفير
....جاي بيكدب في المنام
......... إن إبليس الكبير
جاي بينشر في السلام
كان مهرج عاد أمير
بلياتشو لكن تمام
.......... البهلوان
يا دنيا راح تخدميني
....وضحكيني على الحمير
مين حبيبهم. فكريني
.... أصلي ما عنديش ضمير
هات قناع و فيه داريني
وش مهرج بس مكير
...........البهلوان
ماشي ضل وذل فيهم
........الصغير ويا والكبير
مهما كان ويكون كاويهم
....في الزمان وف اللي المكان
واللي كان منهم عليهم
بلياتشو وألعوبان
............. البهلوان
لعب باين في المكان
أصله كان مجنون جنان
وعاللي كان وفي الزمان
لجل بكره يفوت أوام
والمهرج. في المدرج
بالأونطه والكلام
....................
البهلوان
بياع كلام
بقلمي هلال البنا
'
ليست هناك تعليقات:
إرسال تعليق