جن الليل وزاد اجنانو
وجنانو شي مابيتفسر
الكفر راكب فوق حصانو
يذبح ويصرخ الله وأكبر
والسوري ﻻ شرفو صانو
رفض الذل وبأرضو اتمسمر
وجيشي دوم صاين ميدانو
الله محيي الزند اﻷسمر
.....
بلادي ما أحلاها بلادي
أرض الحب وطير الشادي
والهادي صلا ع الهادي
وبوس خدو لخيو الفادي
والسوري في عندو عاده/ي
ع الظالم حقدو بيتفجر
.......
أهلي ب سورية شقد عانوا
والسوري ع الموت اتمسخر
قدم دم وزاد إيمانو
بمجد بلادو اللبدو يعمر
الدهر بسورية عنوانو
وأحلى منها ما بيتصور
وعلمو حددلو ألوانو
أسود . أبيض . أخضر . أحمر
.......
الهادي . لقب من ألقاب الرسول الكريم
الفادي لقب من ألقاب السيد المسيح
بقلمي د. جوزيف رداح
ليست هناك تعليقات:
إرسال تعليق